Ay-arrac-nneү
Awal ma nenna-t
Yerna kkes akw urfan
Lxir үer zdat
Am wass-a d-wussan
Attay-n tizi
Mačči am yiḍelli
Tidett ad d-tezzi
Yerna d-ayen yellan
Гas iruḥ walebaεḍ
үas yella w’infan
Ad d-kkren wiyaḍ
A-sen-ddmen amkan
Гurwat w’iberrun
I ṭṭbel deg umdun
Neү win itettun
Ittbeddil zzman
Abrid yessawen
Si zik ay neẓra
Drus i ү-yuүen
Seg wasmi d-necfa
Tirrugza yeknan
Tettelli igennwan
Ma nedder ad iban
Ma deg-neү kra
D-tinexsas neṛwa
I ү-d-issenṭaqen
Ur nebbehba ara
Mačči d-imcumen
Tagi d-ddunit
Yiwen tugar-it
Teddukel tcemlit
Adrar a-s-zemren
Ittennaү yiḍ d-wass
Nekk ur umineү
Am w’ iṭṭsen yin’as
Ad d-yeglu s yiseү
A-wid ixeddmen
A-wid yeqqaren
A-wid meẓẓiyen
Ay-arrac-nneү

1 COMMENTAIRE

  1. Oh thanmirth atas pour ce poeme que vous avez publie, c’est super de lire Tamazight sur le net et de comprendre tous les mots, j’en suis content.
    Thanmirth
    Hacene si Sydney, Australie

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici