Photos & Vidéos

ربي بلاني بالطاسة : للمرحوم دحمان الحراشي

Refrain :

ربي بلاني بالطاسة وزاد لي سهر الليل

ماعرفتش كيفاش نواسي ماعرفتش كيفاش ندير

حرم نومي ونعاسي واللي يعذر قال حليل

———————

نشرب ونقول نزيد على رايي ، همي وزماني

والصباح نصبح مريض علاش عليا واش اداني

بالصديد يفنى الحديد ، هكداك السهرة تهلك ثاني

والكاس رماني بعيد، اشحال صعيب هو عراني

شوفوا الوعد وين اداني في بحر غامق رماني

غابوا عليا طرقاني والعقل راح يطير

ربي بلاني بالطاسة وزاد لي سهر الليل

ماعرفتش كيفاش نواسي ماعرفتش كيفاش ندير

حرم نومي ونعاسي واللي يعذر قال حليل

نشرب ونسقي الكاس . . من بعد ما سقيتو زاد سقاني

غيرني بين الناس، اشحال جرّعت مرار جفاني

خطرات نقول خلاص مانويد ندنى بركاني

وخطرات نقطع الياس، نقول وقيلا ما ينساني

علاش قهرني عياني، كل يوم يذبالو اغصاني

يا لايمني ما كواني، نشرب ونقول قليل

ربي بلاني بالطاسة وزاد لي سهر الليل

ماعرفتش كيفاش نواسي ماعرفتش كيفاش ندير

حرم نومي ونعاسي واللي يعذر قال حليل

نشرب ونقول علاش هكذا خلاني زاوالي

دعوتو ماتفراش هو اسبابي، جرحني وكواني

غاب عقلي ما ولاش، علاش فرج فيا عدياني

وجرحي ما يبراش، عاد ساكن جسمي دخلاني

اشحال سوالي غالي، سباب هلاكي وهبالي

وينسيني في اشغالي، الكاس مافيه الخير

ربي بلاني بالطاسة وزاد لي سهر الليل

ماعرفتش كيفاش نواسي ماعرفتش كيفاش ندير

حرم نومي ونعاسي واللي يعذر قال حليل

ربي بلاني بالطاسة وزاد لي سهر الليل

ماعرفتش كيفاش نواسي ماعرفتش كيفاش ندير

حرم نومي ونعاسي واللي يعذر قال حليل

Previous ArticleNext Article
Samir Hchicha - Fondateur et animateur de RadioHchicha.com, et blogueur depuis 2001. N'hésitez pas à nous contacter pour nous faire vos remarques et autres propositions. Ya 1000 Merhba :)

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.